அரசியல் கைதி விக்னேஸ்வரநாதன் பார்த்தீபன் தாயாருக்கு தமிழ் தேசிய மக்கள் முன்னணி அஞ்சலி!

2017 தந்தையின் மரணச்சடங்கில் கலந்துகொண்டு இறுதிக் கடமைகளை செய்ய ஒரு மணித்தியாலம் அனுமதி வழங்கப்பட்டது. 26 வருடங்கள் சிறை வாழ்க்கை- தற்போது சிறையில் உள்ள அரசியல் கைதிகளில் சிறுவயதில் கைதுசெய்யப்பட்டவரும், அதிகூடிய வருடங்கள் சிறைத்தண்டனை அனுபவித்த கைதியும் இவர்தான்.

குடும்பத்துடன் இருந்த நாட்களை விட சிறையில் இருந்த நாட்களே அதிகம் எனவே பொதுமன்னிப்பு அளித்து அவரை விடுவிக்க வேண்டும் என இவரின் தாயார், அரசிடம் பலமுறை கோரிக்கை விடுத்துவந்தார்.

தான் இறப்பதற்கு முன் மகனை காணவேண்டும் என ஆவலாய் இருந்த இவர் தன் பிள்ளையின் திருமுகம் காணாமலே மறைந்துவிட்டாரென்பது குறிப்பிடத்தக்கது.